Hat ragihandin ku êrîş li derdora bajarokê Oîcha yê li herêma Benî ya li bakurê eyaleta Kîvûya Bakur pêk hat.

Şaredarê bajarok Nîcolas Kîkûkû bi telefonê daxuyanî da AFP’ê û got: “Heta niha 20 cenazeyên me hene.”

Raportorê civaka sivîl a herêma Beniyê Darîûs Syaîra jî got: “Me 26 cenaze li Morgayê hiştin.” Syaîra diyar kir ku piraniya qurbaniyan ku 12 ji wan zarok bûn, bi kêrê hatine kuştin.

ADF ku eslê xwe ji Ûgandayê ye û piraniya wan Misilman in, ji salên 1990’an û vir ve li rojhilatê Komara Kongoyê ya Demokratîk cih digire û bi kuştina bi hezaran sivîlan tê sûcdarkirin.

Vê komê destpêkê tevgerên muxalîf dianî ba hev, lê sala 2017’an girêdayî DAÎŞ’ê bû.