Di rapora HRW'ê de hate gotin, ''Tundî û rewşa bêewlebûnê qonax bi qonax li tevahiya welêt berbelav bûye''.

Di raporê de hate gotin navenda tundiyê û bêasayişê herêma bakur a peravê ye, li vê herêmê bi dehan sivîl hatine kuştin, bi deh hezaran jê ji bêgavî malên xwe terikandine.

Rapor ji nîvê 2018'an û vir ve hate Sıbata 2019'an di nav xwe de vedihewîne. Di nav binpêkirinên herî giran de ku komên îslamî kirine wiha tê rêzkirin: ''Revandina 41 berpirsên xwecih û înfaza wan, talan, desteserkirina ambûlansan, şewitandina dibistanan, sînordarkirinên jin û gundiyan, şewitandina dikanan''

Di raporê de her wiha hate gotin hêzên ewlehiyê yên Burkîna jî bi kêmanî 115 zarok û mêr kuştine.

Midûrê peravê yê HRW'ê Corrîne Dufka got, ''Gundî bi tirsê dijîn'' û bal kişande rola komên îslamî û hêzên hikûmetê yên di vê tirsê de.