Li gorî lîsteya ku ji aliyê May ve hate eşkerekirin, piraniya wezîrên berê li şûna xwe man. May, di daxuyaniya xwe ya têkildarî hikukmeta nû de got, karê wan ê sereke wê danûstandinên li ser Brexîtê be.

Ji bo polîtîkayên Theresa May li meclîsê werin qebûlkirin, pêwîstî bi erêkirina 8 parlamenterên ji derve heye. Partiya Mûxafazakar wê ji bo vê yekê destekê ji Partiya Yekîtiya Demokratîk a Bakurê Îrlandayê bigire, ku partiyeke rastgir e. 10 parlamenterên Partiya Yekîtiya Demokratîk hene.