Partiya Karker a Jeremy Corbyn hejmara parlamenterên xwe gelekî zêde kir. Corby, piştî zelalbûna encamên hilbijartinê bang li Serokwezîr May kir, ku îstifa bike.

Li Qraliyeta Yekbûyî, ku ji Îngilîstan, Skoçya, Galler û Îrlanda Bakur pêk tê, 47 mîlyon hilbijêr çûn ser sindoqan. Hilbijêran, ji bo endamên Kamara Avamê ya ji 650 kursiyan diyar bikin, ku baskê jêrîn ê parlamentê ye, dengê xwe dan.

Li gorî encamên destpêkê, Partiya Mûxafazakar a li desthilatdariyê 314 kursî, Partiya Karker a li mûxalefetê 266 parlamenter bi dest xistin. Partiya May ji bo karibe hikumetê ava bike, pêwîstiya xwe bi 326 kursiyan heye. Li gorî vê encamê, mûxafazakar bi tena serê xwe nikarin bibin desthilatdar.

Partiya Kar a Jeremy Corbyn, ku encameke serketî bi dest xist, hejmara parlamenterên xwe gihand 266'an. Li gorî çapemeniya Îngilîz, eger hilbijartin bi vê encamê biqede, dibe ku Wezîrê Karên Hundir ji Partiya Karker be.

Li gorî encamên destpêkê, Partiya Neteweyî ya Skoç jî 22 parlamenter bi dest xist.

Lîderê berê yê Partiya Neteweyî ya Skoç (SNP) û Serokwezîrê berê yê Skoçyayê Alex Salmond, ku kesê li pişt referandûma Skoçyayê ya 2014'an e, herêma xwe ya hilbijartinê Gordon bi destê mûxafazakaran ve berda.