Her du serok, roja Yekşemê bi rêya telefonê axivîne û Von der Leyen têkildarî mijarê daxwaza dirêjkirina wextî kiriye û xwestiye ku hevdîtin bi awayekî cidî dest pê bikin. Trump jî ev daxwaze Seroka Komîsyona Ewropayê qebûl kir û got: ‘’Em ê di demeke kurt de hevdîtinekê bikin û hewl bidin çareseriyekê peyda bikin.’’

Von der Leyen jî li ser medyaya dijîtal daxuyaniyek da û hevdîtina bi rêya telefonê ya li gel Serokê DYE’yê  weke ‘’axaftineke erênî’’ pênase kir û da zanîn ku Ewropa ji hevdîtinên bilez û bibiryar re amade ye. Von der Leyen got: ‘’Ji bo lihevkirineke baş heya 9’ê Tîrmehê wextê me heye.’’

Trump di daxuyaniya xwe ya hefteya borî de aniye ziman ku têkildarî livehkirina bazirganiya li gel YE’yê lêgerînên wan tune ne û gefa baca ji sedî 50 ya ji 1’ê Hezîranê û pê ve xwaribû. Komîsyona Ewropayê jî li hemberî vê gefê hişyarî dabû ku ew ê li derhanînên Emerîkayê baceke 95 milyon euroyî ferz bikin.

Her wiha YE’yê serî li Rêxistina Bazirganiya Cîhanî (WTO) da û li hemberî bacên DYE’yê pêvajoya giliya fermî da destpêkirin. Di mehên dawîn de rêveberiya Trump li berhemên Ewropayê re bacên ji sedî 25-50’yî ragihandibû. Bi vê hevdîtina Trump û Von der Leyen standina van bacan heya 9’ê Tîrmehê hatin rawestandin.