Komek ji nîjadperestan paytexta Polonya Varşova veguherandin qada şer. Meşa bi wesîleya roja serxwebûnê hat lidarxistin, veguherî xwepêşandana komên radîkal ên rastgirt. Di meşê de komên nîjadperest êrîşî çepgiran kirin û bi molotof kokteyl û fîşekên hewayî êrîşî konsolosa Rûsyayê kirin. Polîsan di xwepêşandanê de ava şid û gaza çavan dişewitîne bikaranîn, gelek xwepêşandêr jî hatin binçavkirin.

Meşa bi wesîleya roja serxwebûnê veguherî bûyerên dijwariyê yên komên rastgir û neteweperest ên radîkal.

Rastgiran êrîşî malên komun ên komek ji çepgir lê diman, kirin. Komên rastgir kevir û meşale avêtin kesên di xaniyan de, çepgiran jî li ser banê avahiyê bi kevir û molotof kokteylan bersiv dan êrîşa rastgiran. Ji ber bûyeran xanî û wesayîtên li derdorê zerar dîtin. Xwepêşandêran hin wesayît şewitandin.

Komên ku piştre bi ço û keviran êrîşî polîsan kirin, bi hêzên ewlekariyê re pev çûn.

Rastgirên radîkal nîvê şevê hewl dan êrîşî Sefaretxaneya Bilind a Rûsyayê bikin. Çalakvanên ku piraniya wan rûgirtîbûn, fîşekên hewayî avêtin nûneriya dîplomatîk. Xwepêşandêrên hewl dan têkevin hundirê avahiyê, rastî benda polîsan hatin. Di bûyeran de zêdeyî 20 xwepêşandêr hatin binçavkirin.