Li bakurrojhilatê Bolîvyayê di encama ketina balafirekê de 8 kesan jiyana xwe ji dest dan, 10 kes jî birîndar bûn.

Kargeha Balafiran Aerocon da xuyakirin ku balafira ji 2 motoran a bi tîpa Typs Fairchild Metro 23'ê, roja Yekşemê li balafirgeha Rîberalta ya li sînorê Brezîlyayê ket xwarê.

Hat ragihandin ku di bûyerê de 8 kesan jiyana xwe ji dest dan, 10 kes jî birîndar bûn. Rayedarekî ji nexweşxaneya li herêmê ji AFP'ê re ragihand ku di nava kesên jiyana xwe ji dest dane de, zarok jî hene. 

Berdevk diyar kir ku balafir di dema daketinê ji de ji ber pirsgirêkeke teknîkî li erdê ketiye û agir bi balafirê ketiye.

Li gorî agahiyên hatin bidestxistin, di balafirê de 16 rêwî û du personel hebûn.