Bi boneya salvegera 34`an a koça dawîn a hunermend Mihemed Şêxo şêniyên Qamişlo, hunermend û endamên saziyan serdana gora Mihemed Şêxo ya li goristana Hilêliyê ya Qamişloyê kir. Hunermend Sefqan Orkêş li ser gorê axivî û diyar kir ku hunermend Mihemed Şêxo bi ked, awaz û dengê xwe bûye nimûneyeke cîhanî ji bo gelê Kurd.

‘HÊZ DA ÇANDA KURDÎ’

Endamê Komîteya Hunerê ya Meclisa Gel a Qamişloyê Cemîl Meşkînî jî axivî û da zanîn ku çanda Mihemed Şêxo ji bo gelê Kurd dabû avakirin, niha ciwanên Kurd diparêzin û wiha dom kir: “Bi sekn û exlaqê xwe hêz da çanda Kurdî. Îro navendên me bi navê wî ne, zarokên me jî stranên wî dibêjin.”

Di dawiyê de gul li ser gora Mihemed Şêxo hatin danîn û stranên wî hatin gotin.

Hunermend Mihemed Şêxo di 9`ê Adara 1989`an de di encamê krîza dil de jiyana xwe ji dest dabû.