Xaka bi berhem, çavkaniyên avê, darên pir bi ber, av û hewaya xweş, gelê kedkar û dil mezin; taybetmendiyên herêma Rêjav a parêzgeha Kirmanşanê ye.

Xwezaya vê herêmê her sal her cûreyê fêkiyan, ji hinar, zeytûn û gûzan bigire heta her cûre hejîr û fistiqan berhemek dewlemend dide herêmê. Her wiha di zeviyên Rêjavê de gelek giyayên dermanî weke çinûr, simaq, zû, tolke, rêvas, siping û hwd tên komkirin û ji hêla gelê herêmê ve tê bikaranîn. Şêniyên herêmê duh Yekemîn Festîvala Fêkiyên Biheştî lidarxistin.

Welatî ji bo spasdarî û hilberîna berhem û bereketê, Festîvala Fêkiyên Biheştî lidardixin. Welatiyên tevlî merasîmê bûn cil û bergên Kurdî li xwe kirin.

Di festîvalê de berhemên muzîka Kurdî, saz, duhol, dîlana Kurdî, def, tembûrvan û pêşkêşkirina berhêm û firotina wê hatin pêşkêşkirin.

Rêjav 20 kêlometre dikeve bakurê rojavayê Kirmanşanê ye û girêdayî bajarokê Dalahû ye.

Ev herêm bi bedewiya xweza çemê Elwen (Helwen), şelale û kaniyên xwe bala tûrîstan dikişe û herêmekî tûrîstî ye.

Rêjav bi dîroka xwe ya devlemend, esalet û welatparêziya xwe ve tê naskirin.

Ji ber vê taybetmendiyên xwe yên xas û xweser siyaseta asîmîlasiyona rejîma Îranê ya li ser gelê herêmê bi binketinê re rûberû maye.