Çalakiyên bi ruhê 14’ê Tîrmehê: 31 dagirker hatin cezakirin

HPG’ê diyar kir ku gerîlayên azadiya Kurdistanê bi ruhê 14’ê Tîrmehê çalakî kirine û got “Di van çalakiyan de 31 leşkerên Tirk ên dagirker hatine cezakirin, dronek, wesayîteke zirxî û çeperek hatine îmhakirin.”

Navenda Ragihandin û Çapemeniyê ya HPG’ê derbarê çalakiyên gerîlan daxuyaniyeke nivîskî weşand.

Di daxuyaniya HPG’ê de ev tişt hate diyarkirin:

“Hêzên me bi tarza tîmên gerok û şerê li tunelan derbên giran li artêşa Tirk a dagirker dixînin. Gerîlayên azadiya Kurdistanê bi ruhê 14’ê Tîrmehê çalakiyan dike. Di van çalakiyan de  31 leşkerên Tirk ên dagirker hatin cezakirin, dagirkerek birîndar bû, dronek, wesayîteke zirxî û çeperek hatin îmhakirin. Dagirkeran 36 caran bi çekên kîmyewî û teqemeniyan qadên berxwedanê bombe kirin. Balefirên şer 11 caran û helîkopterên êrîşên jî 7 caran û bi dehan caran jî bi obusan qadên berxwedanê hatine bombekirin.

Agahiyên li ser çalakiyan wisa ne:

Di çarçoveya Pêngava Şoreşger a Bazên Zagrosê de li herêma Avaşînê;

Di 5’ê Tîrmehê saet di 17.00’an de li Qada Berxwedanê ya Werxelê li dagirkeran hate xistin.

Di çarçoveya Pêngava Şoreşger a Bazên Zagrosê de li herêma Zapê;

Di 2’ê Tîrmehê de saet di 03.20’an de dagirkeran dema xwestine ber bi tunelên şer ên Şehîd Umîd ve werin, hêzên me li dagirkeran dan. Li vir 3 dagirker hatin cezakirin.

Di 5’ê Tîrmehê saet di 08.00’an de dagirkeran hewl dane bi kepçe û dozerên zirxî biçin lûtkeya Qada Berxwedanê ya Şikefta Birîndara. Hêzên me li vir li dagirkeran dan. Li vir 2 dagirker hatine cezakirin, dagirkerek birîndar bû û derb li wesayîtên zirxî hate xistin. Ji ber ku derb li wesayîtên zirxî hate xistin, dagirker neçar mane astekê vekişin. Dagirkeran piştre mirî û birîndarên xwe bi helîkopterên Skorsky ji qadê birine.

Di 5’ê Tîrmehê de saet di 08.00’an de dagirkeran hewl dane bi wesayîtên zirxî ji qada Çemçoyê biçin Qada Berxwedanê ya Werxelê. Hêzên me li wesayîteke zirxî dane û wesayît îmha kirin. Herî kêm 8 dagirkerên di wesayîtê de hatine cezakirin.

Di 5’ê Tîrmehê de saet di 21.00’an de dronek dema ku li ser Qada Çemçoyê digeriya, hêzên me li dronê dan û ew îmha kirin.

Di çarçoveya Pêngava Şoreşger a Şehîd Savaş Maraş a Cenga Xabûrê de;

Hêzên me yên YJA Starê yên gerok di 5’ê Tîrmehê de saet di 07.50’an de bi sûîkastê li dagirkerên li Qada Berxwedanê ya Girê Amêdiyê dane û 4 dagirker ceza kirin.

Di 5’ê Tîrmehê de saet di 09.20 û 22.00’an de hêzên me du cara bi sabotajê li dagirkerên li Girê Sêdarê yên li Qada Berxwedanê ya Girê Amêdiyê dane û 2 dagirker ceza kirin.

Di 5’ê Tîrmehê de saet di 23.15’an de sê caran bi taktîka sabotajê li dagirkerên li Qada Berxwedanê ya Girê Amêdiyê hate xistin. Di vê çalakiya gerîlayan a bi koordîne de 9 dagirker hatine cezakirin.

Di 5’ê Tîrmehê de saet di 13.10’an de tîmên me yên gerok bi sûîkastê li dagirkerên li Qada Berxwedanê ya Girê Cûdî dane û dagirkerek ceza kirin.

Di 5’ê Tîrmehê de saet di navbera 14.00 û 15.00’an de hêzên me bi çekên giran li dagirkerên li Qada Berxwedanê ya Girê Cûdî dane.

Di çarçoveya Pêngava Şoreşger a Bazên Zagrosê de li herêma Xakurkê;

Di 4’ê Tîrmehê de saet di 10.30’an de hêzên me bi çekên giran li dagirkerên li Qada Girê Karker dane. Hêzên me di heman rojê de saet di 16.00’an de careke din bi çekên giran li dagirkeran dane. Di van çalakiyan de 2 dagirker hatine cezakirin û çeperek hate îmhakirin.

Êrîşên ku dewleta Tirk a dagirker bi çekên kîmyewî û teqemeniyan kiriye;

Di 5’ê Tîrmehê de saet di 18.15’an de tunelên şer ên Qada Berxwedanê ya Girê FM carekê bi teqemeniyan hate bombekirin.

Di 5’ê Tîrmehê de saet di navbera 17.20 û 18.25’an de tunelên şer ên li Qada Berxwedanê ya Werxelê carekê bi teqemeniyan û 3 caran jî bi çekên kîmyewî hate bombekirin.

Di 5’ê Tîrmehê de saet di navbera 15.00 û 18.00’an de tunelên şer ên li Qada Berxwedanê ya Karkerê 13 caran bi teqemeniyan û 7 caran jî bi çekên kîmyewî hate bombekirin.

Di 5’ê Tîrmehê de saet di navbera 09.40 û 16.10’an de çeperên şer ên li Qada Kokerê 11 caran bi teqemeniyan hate bombekirin. Piştî mudaxeleya hêzên me, dagirker qedemeyekê vekişiyan.

Êrîşên  ku artêşa Tirk a dagirker ên li ser Herêmên Parastina Medyayê yên bi obus, helîkopterên êrîşê û balafirên şer kiriye,

Çûyîn û hatina dronan li ser Qadên Berxwedanê yên Girê Hekarî, Girê FM û Girê Cûdî ji 5’ê Tîrmehê ve didome.

Di 5 û 6’ê Tîrmehê de Girê Amediyeyê û Qadên Berxwedanê yên Koordîne, Gundê Deşîşê, Girê Hekarî yên li ser herêma Metînayê bi obusan ji qereqolên li ser sînor bi dehan caran hatin bombekirin.

Di 5 û 6’ê Tîrmehê de Qadên Berxwedanê yên Girê FM, Girê Cûdî û Girê Hekarî, heft caran bi helîkopterên êrîşê hatin bombekirin.

Di 4, 5 û 6’ê Tîrmehê de Girê Amediyeyê, Çemço, Sîda, Gundê Şêlazê yê li ser herêma Metînayê û Deşta Kafya, Gundê Ergenê, Çemrobotkî û Geliyê Şêranê yên li ser herêma Gareyê 11 caran bi balafirên şer hatin bombekirin.”