Tevgera Ciwanên Şoreşger îsal 3’emîn Mihrîcana Ciwanan a Şehîd Bawer Agir ya Çand û Werzîşê bi dirûşma ”Bi Ruhê Fedayî yê Gerîla Çanda Şoreşgerî Mezin Bikin, Azadiya Rêber Apo Mîsoger Bikin” di navbera 12-13’ê Cotmehê de li Qada Şehîd Arîn Mîrkan a Kobanê li dar dixin.

Mihrîcan wê 2 rojan bi tevlêbûna Hunermend Mûweyed Şiwêş, Koma Şehîd Zîlan ya Dirbêsiyê, Koma Reqa, Koma Botan û dîsa hunermend Şêx Nebî Baqî Xido bê lidarxistin.

Her wiha di qadên cuda de jî werzîşvan derkevin pêşberî bîneran.

Komîteyê bang li hemû ciwan û jinên ciwan kir ku bi xurtî tev li mihrîcanê bibin.

Mihrîcan di saet 14:00’an de piştî nîvro tê lidarxistin.