11. Festîvala Fîlmên Kurd a Hambûrgê dest pê dike
Li bajarê Hambûrgê yê Elmanyayê, îsal 11'emîn Festîvala Fîlmên Kurd tê lidarxistin.
Festîvala îsal ji ber şewba vîrûsa koronayê wê li ser malpera înternetê ya vimeo'yê di navbera 19 û 23'ê Kanûnê de pêk were.
Festîval wê 19'ê Kanûnê saet di 19:00 de bi nîşandana fîlmê 'Diyalog' ê Selîm Yildiz dest pê bike.
Di roja duyemîn a festîvalê de wê fîlmê anîmasyon ê (Rojava) yê 15 deqeyî yê li ser berxwedana rojava, fîlmê "Husbe Hush" ê derhêner Nûrsel Dogan, dokûmantera "The Flowers of Rojava" ya derhêner Selene Verrl û Magalî Magnîn bên nîşandan.
Di roja sêyemîn a festîvalê de wê fîlmê "Bêdengiya Xewnekî" ya derhêner Rohan Merwan û dokûmantera "Altindag-Hope Hoûses" a derhêner Bayram Balci bên nîşandan.
Roja çaremîn a festîvalê jî wê bi nîşandana fîlmê "We Want Franternîty" ê derhêner Ozcan Vardar û fîlmê "Mamoste" yê derhêner Salîh Çelîk û Kemal Hazanay dewam bike.
Di roja dawî ya festîvalê de 23'ê Kanûnê wê 5 fîlm bên nîşandan.
