Li gorî agahiyên ji herêmê hatin wergirtin, artêşa Tirk a dagirker li gundê Bir El Kûsa ku bi 13 kîlometreyan li başûrê Cerablûsê ye û bi 6 kîlometreyan li bakurê Çemê Sacûrê ye, komkujî kir.

Artêşa Tirk bi tank û balafirên şer bombe li vî gundî barandin û tê gotin gelek sivîlan jiyana xwe ji dest dane. Li gorî nûçeya AFP'ê herî kêm 20 sivîl di vê êrîşê de hatin qetilkirin. Saziya Çavdêriya Mafên Mirovan a Sûriyeyê jî ragihand, di êrîşa artêşa Tirk de herî kêm 70 sivîl mirin e û birîndar bûne.

Artêşa Tirk û çeteyên wê, ji duh ve êrîşî gundên di bin kontrola şervanên Meclîsa Leşkerî ya Cerablûsê de ne, dikin.