Netanyahû: Zexta navneteweyî wê operasyona li dijî Refahê asteng neke
Serokwezîrê Îsraîlê Binyamin Netanyahû roja Yekşemê daxuyanî da û diyar kir ku “zexta navneteweyî” wê destpêkirina operasyona li dijî bajarê Refahê nekare asteng bike.
Serokwezîrê Îsraîlê Binyamin Netanyahû roja Yekşemê daxuyanî da û diyar kir ku “zexta navneteweyî” wê destpêkirina operasyona li dijî bajarê Refahê nekare asteng bike.
Li gorî Neteweyên Yekbûyî (NY) li bajarê Refahê ku li başûrê Xezeyê cih digire, nêzî 1,5 milyon Fîlîstînî dijîn.
Serokwezîrê Îsraîlê Binyamin Netanyahû wiha got: “Ti zextên navneteweyî nikare pêşî li armancên şerê me bigire.”
Netanyahû di destpêka civîna hikûmetê de ev daxuyanî da û got: “Em ê li Refahê bikevin nava liv û tevgerê, wê çend hefte bidome lê wê pêk were.”
Serokatiya Rêxistina Tenduristiyê ya Cîhanê (WHO) roja Şemiyê daxuyanî dabû û bang li Îsraîlê kir ku “li ser navê mirovahiyê” dest ji operasyona li dijî Refahê berde.
Serokê WHO’yê Tedros Adhanom Ghebreyesû li ser hesaba xwe ya X’ê wiha got: “Ez ji ber nûçeyên têkildarî plana êrîşa Îsraîlê ya li dijî Refahê pir bi fikar im. Li vê herêmê nifûs zêde ye. Eger tundî zêde bû, wê bibe sedemê hîn zêdetir mirin û êşê.”
LI XEZEYÊ HEJMARA MIRIYAN DERKET 31 HEZAR Û 645’Ê
Wezareta Tenduristiyê ya Hamasê roja Yekşemê daxuyanî da û ragihand ku ji 7’ê Cotmehê ve di êrîşên Îsraîlê yên li ser Xezeyê de 31 hezar û 645 kes mirin.
Wezaretê diyar kir ku ji vane 92 kes di nava 24 saetên dawî de hatin kuştin û destnîşan kir ku ji destpêka şer û vir ve 73 hezar û 676 kes birîndar bûn.