Rêzikname û bernameya siyasî ya PYD’ê hate erêkirin
Di 8’emîn Kongreya Asayî ya PYD’ê de ku ev du roj in didome rêziknameya partî û bernameya siyasî ya partiyê hate erêkirin.
Kongreya asayî ya 8’an a Partiya Yekîtiya Demokratîk (PYD) ku li Rimêlanê tê lidarxistin di roja duyemîn de didome.
Di kongreya ku ji çapemeniyê re girtî didome de bernameya siyasî ya partiyê hate gotûbêjkirin û bi dengdanê hate qebûl kirin.
Piştî erêkirina bernameya siyasî guhertina rêziknameya partiyê hate nîqaşkirin.
Di encama nîqaşan de dengdan hate kirin û rêziknameya partiyê jî hate erê kirin.
Hejmara endamên Meclîsa Partiyê ji 49’an bû 90 û hejmara endamên Komîteya Rêveber a PYD’ê jî ji 13’an bû 20.
