QSD: Dewleta Tirk hewl da deriyek nû yê dagirkeriyê veke
QSD’ê bi daxuyaniyekê diyar kir ku dewleta Tirk a dagirker xwestin li aliye Amûdê deriyek nû veke, lê li ser bersivdayîna hêzên QSD’ê ev hewldan hate valaderxistin.
QSD’ê bi daxuyaniyekê diyar kir ku dewleta Tirk a dagirker xwestin li aliye Amûdê deriyek nû veke, lê li ser bersivdayîna hêzên QSD’ê ev hewldan hate valaderxistin.
Navenda Ragihanê ya Hêzên Sûriya Demokratîk (QSD) bi daxuyaniyekê encamên roja 55`an a şer û berxwedana li Rojava û Bakur û Rojhilatê Sûriyê eşkere kirin.
QSD’ê ev agahî da: "Tevgera keşfê û topbarana arteşa Tirk a dagirker û komên çete li seranserê heremê berdewam kir.
AMÛDÊ
Duh di saetên berêvarê de arteşa Tirk a dagirker li aliyê Amûdê deriyek vekir û xwest bi maşîneya kar rê çêkin. Piştî bersivdayîna hêzên artêşa Sûriyê maşîneya kar paşde vegeriya û xebata rêçêkirinê hat sekinandin.
EYN ÎSA
Artêşa Tirk a dagirker û komên çete nêzî herêma Qizalî gundên Ebû Sira, Korikê, Um Hiwêş bi obus û hewanan topbaran kirin. Di encamê vê topbaranê de 2 leşkerên artêşa Sûriyê jiyana xwe ji dest da, 3 leşker jî birîndar bûn."