Bi dehan malbatên şehîdên navçeya Amûdê ya girêdayî bajarê Qamişlo bi dirûşma 'Bi ruhê şehîdan em ê pergala Îmraliyê bişikînin' meşek lidar xist.

Meşvanan bi dirûşmên “Bijî berxwedana Îmraliyê” û “Bijî serok Apo” ji pêşiya Saziya Malbatên Şehîdan a navçeya Amûdê destpê kir. Her wiha meşvanan wêneyên şehîdan rakirin. Malbatên şehîdan û saziyên civaka sivîl di meşê de hazir bûn.

Meşê heta Qada Şehîd Cîhad berdewam kir û paşê veguherî mîtîngê.

‘HETA BI RÊBER APO RE BIJÎN, EM Ê LI BER XWE BIDIN’

Di mîtingê de endamê Saziya Malbatên Şehîdan Zîwer Elî axivî, destpêkê kiryarên dewleta Tirk şermezar kirin û wiha got: "Bila dewleta Tirk a dagirker baş bizane ku gelê Kurd wê li ser pêyan be, wê gelê Kurd di nava çalakî û berxwedanê de be ku heta bi Rêbar Apo re azad bijî.”