Komploya 15'ê Sibatê ya navneteweyî ku li dijî Rêberê Gelê Kurd Abdullah Ocalan pêk hat, di salvegera 21'ê de li kampa Berxwedan a li Şehbayê bi meşeke girseyî hate şermezarkirin.

Bi hezaran kesên ku li ketina kampê li hev kom bûn bi dirûşma "Wê sala 22'an a komployê ji bo têkoşîn û berxwedana gelan bibe sala serketin û azadiyê" ber bi qada kampê ve meşiyan.

Li qadê piştî deqeyeke rêzgirtinê ji bo bîranîna cangoriyan, endamên meclîs û saziyên herêmê axivîn.

Bi navê meclîsa kampa Berxwedan Ferhad Elûş û ji Kongreya Star jî Leyle Îbîş axivîn.

Qisekeran komplo şermezar kirin û destnîşan kirin ku wê heta dawiyê li dijî komployê têbikoşin.