Li navçeya Girkê Legê ya girêdayî Kantona Qamişloyê bi pêşengiya Tevgera Ciwanên Şoreşger a Sûriyeyê û Yekitiya Jinên Ciwan, li dijî tecrîda li ser Rêberê Gelê Kurd Abdullah Ocalan çalakiya konvedanê li dar xistin. Çalakî heta saetên êvarî berdewam kir. Xelkê navçeyê, endamên Meclîsa Malbatên Şehîdan, nûnerên partiyên siyasî, meclis û saziyên sivîl tev li çalakiyê bûn.

‘EM Ê HETA AZADIYA FÎZÎKÎ YA RÊBER APO TÊKOŞÎNÊ BILIND BIKIN’

Di konê çalakiyê de wêne û alên Rêberê Gelê Kurd Abdullah Ocalan hatin daliqandin. Di çalakiyê de ewilî endamê Tevgera Ciwanên Şoreşger a Sûriyeyê ya navçeyê Çiya Kurd Mihemed axivî. Mihemed, gefên li dijî Rêberê Gelê Kurd Abdullah Ocalan şermezar kir û got: “Ev kiryar di şexsê Rêber Apo de li dijî gelê berxwedêr û ciwanan pêk tê. Em ê tu carê li dijî van binpêkirin û kiryarên li dijî Rêber Apo bêdeng neminin. Em ê heta pêkanîna fîzîkî ya Rêber Apo têkoşînê bilind bikin.”

Endama MeclÎsa Navçeya Girkê Legê Nesrîn Mihemed jî axivî û bang li tevahî gelan kir ku li ser fikir û felsefeya Rêberê Gelê Kurd Abdullah Ocalan tevbigerin û heta xwesteka gelên azadîxwaz ên azadiya fîzîkî ya Rêberê Gelê Kurd Abdullah Ocalan pêk tê, têkoşînê bilind bikin.

Di bin konê çalakiyê de li nirxandinên Rêberê Gelê Kurd Abdullah Ocalan ên têkildarî şerê gel ê şoreşgerî û rola ciwanan di civakê de hatin guhdarîkirin.