Bi sedan şêniyên kantonên Efrîn û Şehbayê ji bo veşartina cenazeyê şervanê Hêzên Rizgariya Efrînê (HRE) Şehîd Ziyad Midewer (Diyar Efrîn) ku di 24'ê vê Hezîranê de di qonaxa duyemîn a berxwedana serdemê de şehîd bû, li pêşiya nexweşxaneta Avrîn a navçeya Fafînê kom bûn.

Karwanê wesayîtan ber bi Goristana şehîdên Berxwedana Serdemê ya navçeya Ehresê ya kantona Şehbayê ve bi rê ket.

Li vir, rêveberê Meclisa Malbatên Şehîdan Xelîl Îso sersaxî da malbata şehîd û hemû şêniyên kantonên Efrîn û Şehbayê.

Îso teqezî bi girîngiya bilindkirina asta têkoşînê ji bo têkbirina planên dagirkeriya dewleta Tirk da.

Îso bang li gelê herêmê kir ku ji bo rizgarkirina Efrînê, vegera wê û têkbirina şerê taybet ê li dijî gel, rêya şehîdan bişopînin.

Rêvebera Partiya Yekitiya Demokratîk (PYD) ya Efrîn û Şehbayê Sureye Mustefa got: "Dewleta Tirk a dagirker ji deh salan ve hewl dide gelê Kurd qir bike û li dijî wî komkujiyên qirêj pêk tîne."

Sureye soza şopandina rêya şehîdan heta pêkanîna armancên wan da.

Piştî axaftinan wesîqeya şehîd hat xwendin û ji bo malbata wî hat radestkirin. Cenazeyê Şehîd Diyar Efrîn bi dirûşmeyan hat veşartin.