Cenazeyê şehîdê Hêzên Asayîşê Felût hate veşartin
Şêniyên herêma Hesekê cenazeyê endamê Hêzên Asayîşê Yûsif Felût ê bi nasnav Şivan Heseke bi merasîmekê veşartin.
Şêniyên herêma Hesekê cenazeyê endamê Hêzên Asayîşê Yûsif Felût ê bi nasnav Şivan Heseke bi merasîmekê veşartin.
Bi dehan welatiyên herêma Hesekê cenazeya endamê Hêzên Asayîşê Yûsif Felût (Şivan Heseke) ji Meclîsa Malbatên Şehîdan wergirtin û ber bi Goristana Şehîd Dijwar ve ketin rê.
Li goristanê merasîm bi deqeyek rêzgirtina leşkerî ve destpê kir.
Piştre li ser navê Meclîsa Malbatên Şehîdan Ezîze Abdulrehman û li ser navê Hêzên Asayîşê Fermandar Idrîs Oso axivîn û sozda ku rêya cangoriyên şoreşê bişopînin.
Her wiha li ser navê Kongreya Star Helîma Ehmed jî axivî û destnîşan kir ku şehîd ji bo azadî û rûmeta gelan canê xwe dikin qûrban.
Di dawiya merasîmê de nasnameya şehîd hate xwendin û radestî malbatê hatekirin.
Cenazeyê şehîd bi dirûşma ‘Şehîd Namirin’ û tilîliyan hate veşartin.