Şêniyên Dirbêsiyê ya Hesekê vê sibehê ji bo şermezarkirina tecrîda li dijî Rêberê Gelê Kurd Abdullah Ocalan meşek li dar xist.

Piştî meşê li sûka navendî mîtîngek hate lidarxistin. Li wir berdevka Kongra Star Rîhan Loqo axivî û tecrîda li dijî Abdullah Ocalan şermezar kir û wiha got: "Armanca dîlgirtina Rêbertî û ferzkirina tecrîdê ew e ku dewleta Tirk ji fikra Rêbertî ditirse . Ji ber ku fikra Rêber Apo li cîhanê belav bûye.”

Rîhan bêdengiya navneteweyî û rêxistinên mafên mirovan a li hember tecrîdê şermezar kir û got, ev nîşaneya hevkariya wan di van sûcan de ye.

Meş bi dirûşmên silavkirina berxwedana Rêberê Gelê Kurd Abdullah Ocalan bi dawî bû.