Welatiyên Til Hemîsê ya girêdayî kantona Qamişlo cenazeyê şervanên QSD‘ê Elî El-Nasir (Nesir) û Fethî El-Hesûn (Cewad Ciêliyê) ku di Pêngava Bagera Cizîrê ya ‘Şerê Tinekirina Terorê’ de şehîd bibûn ji navenda Meclîsa Mablatên Şehîdan a taxa Enteriyê ya bajarê Qamişlo wergirtin û kerwanekî ji dehan wesayîtan ber bi Goristana Şehîdan a navçeyê ve ketin rê.

Li goristanê ji bo bîranîna şehîdan deqeyeke rêz hate girtin û ji aliyê şervanên QSD‘ê ve merasîmek leşkerî hate lidarxistin.

Li Meclîsa Malbatên Şehîdan ji rêveberên meclîsê Îdan El-Efînî, Meclîsa Navçeya Til Hemîsê endamê meclîsê Ferhan Îsmaîl, li ser navê QSD‘ê fermandar Ehmed El-Kîrt axivîn.

Di axaftinan de sersaxî ji malbatên şehîdan re xwestin û diyar kirin ku şehîd ji bo azadî û rûmeta gelê xwe xwe feda kirin. Axaftivanan soza şopandina rêya şehîdan dan.

Di dewama merasîmê de nasnameya şehîdan xwendin û radestî malbatan hatin kirin.

Cenazeyê şehîdan bi diruşme û tilîliyên dayikan spartin axê.