Ji bo girtiyên siyasî yên li girtîgehên Tirkiye û Bakurê Kurdistanê, ku li dijî tecrîdkirina Rêberê Gelê Kurd Abdullah Ocalan ji 27'ê Mijdarê ve di greva birçîbûnê de ne, li herêma Şehbayê ya Bakur û Rojhilatê Sûriyeyê meşek hate lidarxistin.

Girseya gel li navçeya Ehrezê ya Şehbayê li hev kom bû û bi dirûşma "Bi berxwedana zindanan em ê faşîzmê û xiyanetê têk bibin" meşiya.

Di meşê de dirûşma "Bijî berxwedana zindanan" hate qîrîn û wêneyên Rêberê Gelê Kurd Abdullah Ocalan hate hildan.

Piştî ku çalakger gihîştin qada navçeyê, ji bo bîranîna şehîdan deqeyek rêz hate girtin.

Ji Saziya Meclîsa Malbatên Şehîdan a Şehbayê Menal Şêxo û Endama Meclîsa Jina Azad a Şehbayê Rihmê Elo daxuyanî dan.

Qiseker bi tundî li ber tecrîda li Îmraliyê rabûn û destnîşan kir ku ew bi berxwedana li zindanan re ne.