Parlamentera Tevgera France Insoumise ya ji herêma Montpellierê ya Fransayê Muriel Ressiguier mijara desteserkirina şaredariyên bajarên mezin ên Amed, Wan û Mêrdînê yên HDP'î ji Wezîrê Karên Derve û Wezîrê Karên Ewropayê pirsî.

Ressiguier bi bîr xist ku bi desteserkirina şaredariyan re qeyûm li şaredariyên HDP'î hatine tayînkirin û çalakiyên protestoyî jî dibin hedefa êrîşa polîsên Tirk.

Di daxuyaniyê de hate gotin, "Der barê pirsgirêka Kurd de û ji bo parastina mafên însanî yên gel divê Fransa di çarçoveya hewldanên dîplomatîk de helwestê nîşan bide.

Ressiguier pirseke wiha kir: "Ji bo mafên însanî yên Kurdan û nerazîbûna li pratîka zordar a li Tirkiyeyê, hikumet difikire ku çi bike?"