Di daxuyaniya Komîteya Navneteweyî (IC) a DSA'yê de, zextên desthilatdariya nijadperest a AKP-MHP'ê ya li ser HDP'ê bi tundî hate mehkûmkirin.

Di daxuyaniyê de doza girtinaHDP'ê û betalkirina wekîltiya Omer Farûk Gergerlîoglû û parlamenterên HDP'ê hate bibîrxistin û hate ragihandin ku zextên tên kirin nû nînin.

Di daxuyaniyê de hate ragihandin, piraniya hevşaredarên hilbijartî yên HDP'î ji wezîfeyê hatine girtin, li şûna wan qeyûm hatiye danîn û hate destnîşankirin ku ev yek nêzîkatiyeke henekpêkirin û antî demokratîk e.

Di daxuyaniyê de hate ragihandin ku ew piştgiriyê didin hêzên demokratîk û sosyalîst ên li ber faşîzma AKP-MHP'ê radibin. DSA'yê bang li zêdeyî 85 hezar endamên xwe kir ku bala wan li ser HDP'ê bin û di vî warî de bixebitin.