Sirri Sureyya Onder ê HDP'yî da xuyakirin ku di teqîna li Enqereyê de gelek kesan jiyana xwe ji dest dane û anî ziman ku li cihê bûyerê wesayîteke gumanbar heye. Onder banga dayîna xwînê kir.
Parlamenterê HDP'ê yê Enqereyê Sirri Sureyya Onder, der barê komkujiya li Enqereyê de agahî da ANF'ê. Onder got, "Bombe li pişt korteja HDP'ê teqiya. Du teqînên mezin rû dan û teqîneke biçûk pêk hat. Gelek mirî û birîndar hene. Derdora me bi cesedan tijî ye. Em bi ambûlansan re mijûl dibin."
'WESAYÎT Û PAKETA BI GUMAN'
Onder da zanîn ku li cihê bûyerê wesayît û paketeke bi guman hene û got, "Li pêşberî cihê garê yê Parka Gençlîk, 30-40 metre dûrî cihê teqînê, wesayîteke bi guman ku tê gotin bombe tê de ye, heye. Her wiha paketeke bi guman a 30-40 metre dûrî wê heye."
'BILA XWÎN JI NEXWEŞXANEYÊN HACETTEPE Û ÎBNÎ SÎNA RE BÊ DAYÎN'
Onder banga dayîna xwînê kir û got, "Em bang li her kesî dikin ku xwînê bidin nexweşxaneyên Nûmûne û Îbnî Zîna ya Zanîngeha Enqere ya Hacettepeyê. Bi sedan birîndarên me hene. Divê her kes biherikin van nexweşxaneyan."
