Ûlaş Bayraktaroglû yê ku serfermandarê Partiya Komunarên Şoreşger/Hêzên Azadiyê yênYkbûyî (BOG) ye û tevlî QSD’ê beşdarî Operasyona Xezeba Firatê bû, jiyana xwe ji dest da. BOG’ê daxuyanî da û got ku, Bayraktaroglû di şerê bi DAIŞ’ê re jiyana xwe ji dest daye.

Bayraktaroglû di Gulana 2013’an de di dema Geziyê de hatibû girtin û demekê di girtîgehê de mabû û piştre hatibû berdan.

BOG’ê di daxuyani de wiha got: “Ûlaş Bayraktaroglû yê ku di nav têkoşînê de xwe bi pêş ve biriye û di her çeperê de şer kiriye, di pêngava Reqayê de jiyana xwe ji dest daye. Serekê Partiya Komunarên Şoreşger û Serfermandarê Hêzên Azadiyê yên Yekbûyî (BOG) ji bo şoreşê beşdarî karwanê nemiran bû.”

Di daxuyaniyê de ji bo Bayraktaroglû wiha hate gotin: “Ûlaş Bayraktaroglû di jiyana xwe de bêyî sekin û westandinê, li her çeperê û bendan bêyî tirs û xof şer kir. Di şer de armanca wî serfirazî bû. Fermandarekî wisa ye ku ne bi tenê ji bo şoreşa Tirkiye û Rojhilata Navîn ji bo hemû şoreşên cîhanê jiyana xwe da vê rêyê.”