Hate ragihandin ku sekvanên artêşa Tirk li ser sînor, şervanên YPG’ê yên li gundê Susikê gulebaran kirine û di encamê de 2 şervanên YPG’ê jiyana xwe ji dest dane. Balkêş e ku gulebarandin di dema êrîşa çeteyan a li hemberî gund pêk hat.

Çavkaniyek YPG’ê diyar kir ku leşkerên artêşa tirk, di saetên nîvro de ji ser girê Ceman Beg ê li aliyê Bakurê Kurdistanê û dikeve hemberî gundê Susikê, şervanên YPG’ê yên gund gulebaran kirine. Heman çavkanî ragihand ku di encama gulebarana ku ji aliyên tetîkêşan (Sekvanan) ve hatiye pêkanîn de 2 şervanên YPG’ê jiyana xwe ji dest dane.

Balkêş e ku dema komên çete êrîşî gundê Susikê dikirin de, gulebarandina artêşa Tirk pêk hat. Di şerê saetên serê sibehê de jî ambulansên tirkiyê hatibûn ser sînor û birîndarên çeteyan biribûn.