Wezareta Dadê ya Tirk şandeya BDP’ê ku dê biçe Îmraliyê erê kir. Şandeya ku ji parlementerên BDP’ê Pervîn Buldan, Sirri Sureyya Onder û Altan Tan pêk tê dê roja şemiyê biçe Îmraliyê.

Serokwezîrê Tirk Recep Tayyîp Erdogan duh gotibû ew ê bi Wezîrê Dadê Sadullah Ergîn re têkildarî şandeya biçe Girava Îmraliyê û bi Rêberê Gelê Kurd Abdullah Ocalan re hevdîtinê pêk bîne bê cem hev. Hevditîna du êvarê dest pê kir heta derengî şevê berdewam kir. Piştî hevdîtinê serê sibê daxuyanî hate dayîn û heyet hate erêkirin û dê heyet şemiyê biçe Îmraliyê.
Di lîsteya BDP'ê ya ji Wezareta Dadê re hatî şandin navê Cîgira Serokê Koma BDP'ê ya Pervîn Buldan, Parlementerê BDP'ê yê Stenbolê Sirri Sureyya Onder û Parlementerê BDP'ê yê Amedê Altan Tan cih digirin.
Hevseroka Giştî ya BDP'ê Gultan Kişanak, diyar kir ku rayedarên wezaretê li wan geriyan û ji wan re gotin heyet dikare roja şemiyê biçe Girava Îmraliyê.