Kurdistaniyên li paytexta Federasyona Rûsya Moskowayê tevî dostên xwe salvegera 41'ê ya damezrandina PKK'ê pîroz kirin.

Nûnerên gelek saziyan tevlî pîrozbahiyê bûn.

Çalakiya li Mala Gel a Lûnaçerskî bi deqeyeke rêzgirtinê ji bo bîranîna cangoriyên têkoşîna azadiyê dest pê kir.

Piştre der barê têkoşîna PKK'ê sînevîzyonek hate nîşandan.

Siyasetmedarê Kurd Zeydîn Aslan piştre der barê wate û girîngiya rojê axivî û got, "Dîroka PKK'ê ku her kêliya wê bi têkoşînê dagirtiye qala berxwedana me Kurdan dike."

Piştre Nûnerê Federasyona Bakur ê Sûriyeyê yê li Rûsyayê Reşad Benav û Seroka Organîzasyona Jinên Kurd a Moskowayê Tara Kadir axivîn û salvegera damezrandina PKK'ê pîroz kirin.

Di pîrozbahiyê de hunermend Hemîdê Mecît, Nûjîn a govendê û hunermendê herêmî Milazimê Îsko û hunermendên herêmî derketin ser dikê.