Hîndekarê Zanîngeha Perugia û Profesorfê Hiqûqê ya Destûra Bingehîn Mauro Volpi, Cîgirê Serokê Dadgeha Destûra Bingehîn Paolo Maddelena, Serokê Odeya Dadgeha Bilind Domenico Gallo, parêzerê Ocalan Luigi Saraceni jî di nav de komek ji akademîsyen û rewşenbîran li dijî tecrîdê deklarasyonek weşandin.

Bang li Yekîtiya Ewropayê (YE), Konseya Ewropayê (KE) û Komîteya Pêşîgirtina li Êşkenceyê ya Konseya Ewropayê kirin ku wezîfeya xwe bi cih bînin.

Di deklarasyonê de hate gotin, "Lîderê tevgera neteweyî ya Kurd Abdullah Ocalan, ji Sibata 1999'an û vir ve li Tirkiyeyê girtî ye. Ji dema hatiye girtin û vir ve Ocalan di nava tecrîdê de tê girtin û kiryarên biçûkxistinê li dijî wî tên kirin. Ev nêzîkatî beriya her tiştî li dijî Peymana Ewropayê ye ku mafên mirovan diparêze.

Li gorî mewzûata heyî, mafê Ocalan e ku bi telefonê bi malbata xwe re biaxive, karibe bi girtiyên din ên li giravê re têkiliyê de yne, nameyan û faksê bişîne û werbigire. Nabe ku ev maf bên binpêkirin. Mafê temaşekirina li televîzyonê, guhdarîkirina li radyoyê, wergirtina rojname, kovar û pirtûkan, serdana doktoran, nabe ku bên redkirin an jî astengkirin.

Parlamentera HDP'ê ya Colemêrgê Leyla Guven, ji 7'ê Mijdara 2018'an ve di greva birçîbûnê de ye. Ji bo dawî li tecrîdkirina dijwar a Ocalan bê anîn bang dike. Lîderekî gel ê naskirî, ji bo demokrasî û aştiya li Rojhilata Navîn dikare çareseriya bi rêya siyasetê xurt bike.

Penaberê siyasî yê Kurd Erol Aydemîr jî ji 20'ê Adarê ve di greva birçîbûnê de ye. Heta niha ti hikumet û saziyên Ewropayê, bi xurtî dest li rewşa ku grevên birçîbûnê şermezar dikin, wernedane.

Em ji hiqûqnas, mirovên ji bo parastina mafên mirovan dixebitin, ji hikumetên neteweyî, Yekîtiya Ewropa û organên Konseya Ewropayê bi taybetî ji Komîteya Pêşîgirtina li Êşkenceyê dibêjin,  ji bo Abdullah Ocalan karibe hevdîtinê bi parêzerên xwe û malbata xwe re bike, ji bo tavilê dawî li tecrîdê bînin, li dijî Komara Tirkiyeyê tavilê û biryardarî bikevin nava liv û tevgerê."

Kesayetên ku mohra xwe danîne binê deklarasyonê

Mauro Volpi, Zanîngeha Perugia, Profesorê Hiqûqê ya Destûra Bingehîn
Paolo Maddalena, Cîgirê Serokê Dadgeha Destûra Bingehîn
Domenico Gallo, Serokê Odeya Dadgeha Bilind
Luigi Saraceni, Parêzvanê Ocalan ê li Îtalyayê, dadgerê berê yê sûlhê û parlamenter
Leonardo Arnau, Serokê Baroya Padva
Mario Antonio Angelelli, Serokê Giştî yê Progetto Diritti (Projeya Maf), Arturo Salerni, Serokê Verità e Giustizia per i Nuovi Desaparecidos (Komîteya Edalet û Rastiyê ya ji bo Desaparecidos a Nû)
Roberto Lamacchia, Serokê Hiqûqnasên Demokratîk
Lorenzo Trucco, Serokê Komeleya Lêkolînên Hiqûqî li ser Koçberiyê
Emilio Robotti, Avukat - Genova
Gianluca Vitale, Avukat – Torino
Gaetano Pasqualino, Avukat – Palermo
Franco Russo – Forum Diritti Lavoro (Forûma Karker)
Luca Santini, Avukat – Roma
Cesare Antetomaso, Coordinatore Giuristi Democratici di Roma
Maria Rosaria Damizia, avvocata – Roma
Vincenzo Vita, Presidente dell’Archivio Audiovisivo del Movimento Operaio e Democratico
Claudio Giangiacomo, avvocato – Roma
Alfonso Gianni, già Sottosegretario allo Sviluppo Economico
Alfiero Grandi, già Sottosegretario all’Economia
Susanna Marietti – Coordinatrice nazionale di Antigone
Elena Fiorini, avvocato Genova
Giovanni Russo Spena, già parlamentare
Fanio Giannetto, Coordinamento per la Democrazia Costituzionale di Roma
Giampiero Filotico, Coordinamento per la Democrazia Costituzionale di Roma
Nino Caccioppo, avvocato – Palermo
Francesco Paolo De Arcangelis, associazione Articolo 24