Partiya Yekîtiya Demokratîk (PYD) li Qamişlo bi munasebeta 10’emîn salvegera damezirandina xwe, civînek lidar xist.

Civîn li navenda Çand û Hunerê ya Mihemed Şêxo bi beşdariya dehan endamên partiyê û hin mêvanan  bi rêzgirtinê destpê kir. Piştre Endama Desteya Rêveber a PYD’ê Emîna Osê axivî û bal kişand ser geşedanên dawî yên li Rojavayê Kurdistanê û Sûriyê.  Osê, êrîşên komên çekdar ên li Rojavayê Kurdistanê şermezar kirin û da zanîn ku gelê kurd di nava 2 salan de gelek destkeftî bidest xistine û tevî hemû êrîşan jî hemû saziyên xwe ava kirin.

Osê, da zanîn ku dem hatiye ku gelê kurd bi hemû pêkhateyên Rojava re rêveberiya xwe ya hevbeş ava bike.