KDCK-E di daxuyaniya xwe de diyar kir ku tevî sefaretxaneya Brûksel û nêzîkatiyên YSK’ê jî li Brûkselê li pêşiya sefaretxaneya Tirk ku hilbijartin lê tê kirin komekî ku xwe bi navê Ocaxên Osmaniyan û heyranê Erdogan û dijberî ‘NA’ yê tim provakasyonan dikin. KDCK-E di dewama daxuyaniya xwe de wiha got: “Li dijî van çeteyên ku dibêjin; ‘Kesên dibêjin Na xayîn in, terorîst in, em ê gelek tiştan bi serê we bînnin û mafê jiyan ji bo we nasnakin, em ê 17’ê Nîsanê û şûnde kesên ku dibêjin NA ji welat derxînin.’ heqaretên mezin dikin, muşahîdên me û hevalên me yên erkdar bi xwîn sarî rayedar hişyar kirine.

Weke Platroma NA ya Ewropa, îro çeteyên faşîzma AKP/MHP’ê li pêşiya Sefaretxaneya Brûkselê 3 hevalên me yên Platfroma NA bi kêran birîndar kirine. 3 hevalên me yên ku ji aliyê çeteyên AKP'ê ve hatine birîndarkirin, li nexweşxaneyên Brûkselê tên dermankirin.

Weke Platfroma Na ya Ewropa, diyar dikin ku êrîşên faşîst ên AKP/MHP’ê yê li Qesrê, bi girtin û binçavkirinan nikare me bişkîne. Li dijî diktatorî û faşîzmê em ê hê xurtir ji bo NA yê bi xebitin. Ji bo demokrasî, azadî û wekheviyê ji bo her kes dengê xwe bikar bîne bi ruhê seferberiyê berê xwe bide sefaretxaneyê û denê Na bi kar bîne em ê bixebitin, bang li her kesê dikin ku îro bi dildar ji bo Na yê bixebite.

Ji bo êrîşên çeteyên AKP’ê bidin astengkirin çapemenî û raya giştî ya Ewropayê daxwazî kar dikin.”