Çalakiya rûniştinê ya li Strasboûrgê ya li ber CPT û Konseya Ewropayê (KE) di roja duyemîn de bi tevlêbûna gelek kesan didome.

Piştî nîvro endamê Goranê, parlamenter Dr. Şêrko Hema Emîn jî tevlî çalakiyê bû û axivî.

Dr. Emîn bal kişande ser rewşa Rêberê Gelê Kurd Abdullah Ocalan, bang li Komîteya Pêşêgir a Êşkenceyê  (CPT) kir ku berpirsyariya xwe bi cih bîne. Goran diyar kir ku çalakiya rûniştinê ya Kurdan çalakiyeke aştîxwaz e, sivîl e û got ew jî bi her hawî destekê didine çalakiyê.

REWŞA BAŞÛRÊ KURDISTANÊ NIRXAND

Dr. Emîn bal kişande ser rewşa Başûrê Kurdistanê ya dema referandûmê û dagirkirina Iraqê ya piştî referandûmê û got gelek kes ji şûnwarên xwe bûne.

Emîn êrîşên qirker ên bi ser Şengalê de jî bi bîr xist, got, qirkirina li Dadgeha Cezayê ya Navnetewî ya Hollandayê ye û ew dozê dişopînin.

Emîn diyar kir ku ew alîgirê çalakiyê aştîxwaz, sivîl û demokratîk in û her wiha xwest ku Rêberê Gelê Kurd Abdullah Ocalan û hemû girtiyên siyasî werin berdan.

Parlamenterê Goranê Dr. Emîn got dagirkirina Kerkûkê bi giştî bi lihevkirina PDK û YNK’ê ya bi hikûmeta Iraqê re pêkan bûye.