Parêzvana mafên mirovan û jinê ya Îranî parêzer Nasrîn Sotoudeh, ji bo cezayê dadgeha Îranê ya 3 salan qedexeya kar daye wê şermezar bike, dest bi çalakiya rûniştinê kir.

Sotoudeh ragihand ku ew ê biryara dadgehê temyîz bike û li ber Baroya Îranê ya li Tehranê ji sibeha Sêşemê û vir ve çalakiya rûniştinê lidar dixe.

Sotoudeh diyar kir ku li ser daxwaza Girtîgeha Evîn dadgeha li Tehranê ew ceza kiriye û hişyarî da ku cezayê hatiye dayîn rêya bêbandorkirina parêzeran e.

Nasrîn Sotoudeh di sala 2011'an de bi sûcdariyên, çalakiyên gefê li ewlekariya rejîma Îranê dixwe û li dijî rejîmê propaganda dike, bi 6 salan hatibû cezakirin. Di encama zextên navneteweyî de Sotoudeh piştî 3 salan ji girtîgehê hatibû berdan. Di destpêka vê mehê de jî, bi armanca protestokirina çeteyên DAIŞ'ê û piştgirîdayîna gelê Kobanê, ji greva birçîbûnê ya 2 rojan a 14 rewşenbîran, pêşengî kiribû.

Sotoudeh a ji ber têkoşîna xwe ya ji bo mafên mirovan û azadiya ramanê, di sala 2012'an de hêjayî xelata Sacharov a Yekîtiya Ewropayê hat, ji ber ku di girtîgehê de nebû, nekarî xelatê werbigire.