Operasyonên qirkirina siyasî li Kadikoyê protesto kirin
HDP jî di nav de gelek partiyên siyasî û saziyên civaka sivîl ên li Kadikoyê hatin ba hev, operasyonên qirkirina siyasî ku li dijî ESP’ê ku li 12 bajaran pêk hat, protestokirin.
HDP jî di nav de gelek partiyên siyasî û saziyên civaka sivîl ên li Kadikoyê hatin ba hev, operasyonên qirkirina siyasî ku li dijî ESP’ê ku li 12 bajaran pêk hat, protestokirin.
Partiya Demokratîk a Gelan (HDP), Partiya Sosyalîst a Hejaran (ESP), Partiya Şoreşgerên Yekbûyî û Partîzan jî di nav de gelek partiyên siyasî û saziyên civaka sivîl li Kadikoyê hatin ba hev destgîrkirian Hevseroka ESP’ê Ozlem Guneş jî di nav de a 48 kesî protesto kirin.
Çalakî li pêşiya Operaya Sûreya ya li Kadikoyê pêk hat û pankarta bi nivîsa ‘Hêza we nikare bi me, em ê bi ser bikevin’ vekirin û dirûşmên ‘Destgîrkirin, zext û girtin nikarin bi me’, ‘Bi berxwedanê em ê bi ser bikevin’ û ‘Bi bûna yek em ê bi ser bikevin’ hatin qîrkirin. Di çalakiyê de Hevberdevka Kongreya Civaka Demokratîk (HDK) Îdîl Ûgûrlar, Hevserokên HDP’ê ya Bajar Elîf Bûltû Erdal Avci, nûnerên partiyên siyasî û saziyên civaka sivîl axivîn.
Endama MYK a ESP’ê Denîz Aktaş axivî û got: “Heqin ku ditirsin. Em ê vê tirsa wan vegerînin serhildanekî hê mezintir.”
Nûnera Kaldiraçê Yûsûf Alp jî anî ziman ku wê berxwedana li dijî hemû êrîşên dom dike, belav bikin û got: “Em ê berxwedanê bikin yek û mezin bikin.”
Hevberdevka HDK’ê Îdîl Ûgûrlar jî got: “Êrîşî her kesê dikin ku hêza wan a xurtkirina têkoşînê hene. Zext û tecrîd nikare bi me. Em ê bi ser bikevin.”
Hevseroka HDP’ê ya Stenbolê Elîf Bûlût anî ziman ku her êrîş bikin ew jî têkoşînê dikin û wiha pêde çû: “Dikarin hevalên me bigirin, em ê jî ji derve têkoşîna xwe bidomînin.”
Li ser navê Ajansa Nûçeyan a Etkîn (ETHA) Nadiye Gurbuz jî axiî û got: “Hevalên me destgîrkirin, lê em ê dev ji bûna dengê karker û jinan neberdin.”
Piştî axaftinan xwendekarê Kaldiraçê Tûgen Gumuşay metna çalakiyê xwened.