Endamên BDS’ê bi wesîleya salvegera 69’emîn a Nakbayê meşiyan Konsolosxaneya Îsraîlê. Di meşê de girseyê alayên Filîstînê hildan û dovîzên “Wê gelê Filîstînê vegerin axa xwe”, “DYE ya kujer ji Filîstînê derkeve” vekirin û sloganên “Gelê Filîstînê ne bi tenê ye”, “DYE ji Rojhilata Navîn derkeve” hat berzkirin.

‘TÊKILIYÊN SIYASÎ YÊN BI ÎSRAÎLÊ NAKBAYÊ XURTTIR DIKE’

Li ser navê BDS’ê Mucahît Yildirim daxuyanî xwend û diyar kir ku 15’ê Gulanê roja avabûna Îsraîlê ye û got, “Hikumeta AKP’ê dixwaze gaza xwezayî ya Filîstînê bikire û ji bo vî tiştî hevdîtinên xwe didomîne.  Di heman demê de Îsraîl dema çekan çêdike berê li ser gelê Filîstînê diceribîne” û banga boykotkirina Îsraîlê kir.

‘EV TÊKOŞÎN BI SEDAN SALAN BIDOME JÎ WÊ GELÊN FILÎSTÎNÊ VEGERIN AXA XWE’

Piştî daxuyaniyê Şîrîn El-Arac axivî û got, ev têkoşîn bi sedan salan bidome jî wê gelê Filîstînê vegere ser axa xwe û diyar kir ku hevsengên polîtîk îro vî tiştî asteng bike jî wê berxwedan û têkoşîn bidome.