Hevserokê PYD’ê Salih Muslim diyar kir ku, di hevdîtinê de li ser krîza Sûriyeyê û pêşveçûnên Rojava sekinîne.

Muslim destnîşan kir ku di vî warî de me gotûbej kiriye û got me qala projeya Federasyona Bakurê Sûriyeyê jî kiriye. Muslim diyar kir ku Hollande  “erênî” nêzî vê projeyê bûye.

Muslim ragihand ku Hollande gotiye “Ez bi têkoşîna we serbilind im” û Fransayê soza domandina alîkariyan jî daye.

Li pirsa ku gelo wê têkilî bi serokkomarê nû yê Fransayê jî bidome, Muslim diyar kir ku Hollande gotiye ez ê di vî warî de tiştên ji destên min tê teqsîr nekim.

Muslim destnîşan kir ku Hollande gotiye, “Ji bo dostaniya bi Kurdan re tiştên ji min tê ez ê bi cih bînim”.

Hat diyarkirin ku biryara sekinandina weşanên televîzyonên Kurdan ên bi Eûtelsatê jî hat nirxandin.

Muslim diyar kir ku, Hollande gotiye ev ne biryareke rast e û di pratîkê de ew ê bersiveke çawa derkeve holê ne diyar e.

Nûnerê PYD’ê yê Fransayê Xalid Îsa jî beşdarî hevdîtina li Qesra Elysée bû. Muslim di hevdîtinê de plaketa YPG/YPJ’ê diyarî Serokkomarê Fransayê kir.