Meclisa Hevbeş a Taxa Şêmeqsûd a Helebê ku bi tevlîbûna 50 endaman civîna damezrandinê lidar xistibû û 2 hevserok hilbijartibûn, biryarên girîng girtin.

Meclîsa Hevbeş ku ji pêkhateyên taxê û nûnerên saziyên sivîl pêk tê û civîna damezirandinê lidar xist, piştî nirxandinan hevserokên meclîsê hilbijartin. Di civînê de her wiha komîteyên alîkariya mirovahî, têkiliyên civakî, ragihadin, perwede û aboriyê hatin avakirin.

Biryarên ku di civînê de hatine girtin wiha ne:

1-    Têkiliyên biratiyê yên di navbera pêkhateyên taxê de wê werin bihêzkirin.

2-    Di kar û barên sivîl de wê hevkarî were pêşxistin.

3-    Şerê kurd û ereban xeta sor e, pêwîste neyê derbaskirin.

4-    Ji ber ku tax ji hêzên rejîmê rizgar kiriye, ji bilî asayişê û navenda ewlekarî ya hevbeş, hemû hêzên çekdarî wê werin rakirin.

5-    Tu hêzeke ji derveyê taxê nikare bêyî erêkirina meclisê navendên xwe li taxê veke.

6-    Rola jinê di meclisê de wê were zêdekirin.

7-      Ji bo meclisa hevbeş li taxê wê navendek were vekirin.