Piştî ku DYA 50 milyar Dolar baca gumrukê danî ser malên Çînê, qîmetê dolar zêde bû. Piştî ku Banka Navendî ya DYA (FED) faîz zêde kir, Dolar û Euro bandoreke neyînî li lîreyê Tirk kir. Dolar duh bi şev li pêşberî TL rekoreke dîrokî şikand û gihîşt 4.0375. Danê sibehê jî derbasî asta 3.9673 bû. Euro jî li dora 4.8919 ye. Euro jî rekor şikand.

Di nava welatên ku pereyê wan li pêşberî Dolar û Euro herî zêde bê qîmet bûne, Tirkiye di rêza destpêkê de ye.

HIKUMET BI FIKAR E

Hikumeta Tirk jî tevî ku tirs û fikara xwe veşêre jî, di nava panîkê de ye. Serşêwirmendê Serokkomarê Tirk Cemil Ertem îro daxuyaniyek da û got, "Ne bawerim ku bi taybetî di qada enerjiyê û mijarên din ên stratejîk de DYA dest ji Tirkiyeyê berde."