Li bajarê Bern a Swîsreyê  konferansa bi mijara ‘Rola welatên ne alîgir di çareseriya pirsgirêka kurd de’ pêk tê.  Konferansa ku dê sibê saet di 09.00’an de bi resepsiyonekê dest pê bike û her wiha parêzerên Nelson Mandela, Essa Mosa, parlamanterê Sinn Fein Conor Terence Murphy, Hevseroka KCD’ê Aysel Tugluk û Endamê Konseya Rêveber a KCK’ê Zubeyîr Aydar dê weke axaftinker tevli konferansê bibe.

Konferansa ji aliyê Rêxistinên Derveyê Hikûmetê û Koma Dostanî ya Kurdan a Parlamentoya Federal a Swîsreyê tê organîzekirin, dê li Forma  Menhun ê Cihû ya Bernê pêk were. Hikûmeta Swîsreyê, rêxistina civaka sivîl, aliyê civakî yên li Swîsreyê dijîn û sendîkavan dê konferanseke ji 4 panelan pêk tê li dar bixin.  Piştî konferansê encamnameya wê dê bê aşkerakirin.

Konferansa saet di 09.00’an de bi resepsiyonekê dest pê dike, axaftina wê ya vekirinê dê nûnerên mafê mirovan a kurd yê Cenevreyê û Parlamenterê Koma Dostanî ya Kurd  Carlo Samoruga bike.

Saet di navbera 10.00-12.00’an de panele bi ser navê ‘Cerebandinên navnetewî  ya di çareseriya pirsgirêka kurd e’ dest pê bike. Axaftinkerên panelê  parlamenterê Sînn Feîn Conor Terence Murphy, ji Weqfa Berghof ya Almanyayê Hans-Joachîm Gîessman, parêzerê Nelson Mandela Essa Mosa ye. moderatoriya panelê jî dê Songul Karabulut bike.

Panela duyemîn jî bi ser navê ‘Di çareseriya pirsgirêka kurd de rola Swîsreyê’ dê pêk bê. Parlamenterê Partiya Sosyalîst a parlamentoya Swêdê û Hevserokê kokmka Dostaniya Kurdan Carlo Sammoruga, endamê parlamentoya Federal a partiya Kesakn Francîne John Calamenîn dê wekê axaftinker di panelê de cihê xwe bigirin. Her wiha moderatorî jî dê Gianfranco Fattorini bike.

Panel sêyemîn jî a bi ser navê ‘stratejiya çareseriyê ya aştîyane û demokratîk a çareseriya pirsgirêka kurd’ e. Di vê beşê de ji koma Krîzê ya navnetewî Dîdem Akyel û endamê lijneya Rêveber a KNK’ê Zubeyîr Aydar cih digire. Moderatorî jî Beat Jeans e. Runiştina dawî ya konferansê jî bi ser navê ‘Di çarseria pirsgirêkê de rola Ocalan’ dê pêk were. Hevseroka KCD’ê Aysel Tugluk û encama însiyatîfa azadiya ji bo Ocalan a navnetewî Havîn Guneşer û parêzerê Mandela Essa Mosa cih digire.