Gerîlayê PKK’ê Muhemmed Seydo k udi 18’ê Nîsanê de li Brukselê jiyana xwe ji dest da û her wiha 6 gerîlayên PJAK’ê k udi 2010’an de di êrîşa operasyoneke hewayî de jiyana xwe ji dest dan li Stocholmê hatin bibîranîn.

Bernameya li Komeleya Çanda Kurd pêk hat, ji bo Seydo û 6 şervanên PJAK’ê û hemû şehîdên şoreşê deqeyek rêz hat girtin. Piştre  siyasetmedarên kurd û xizmên şehîdan mafê axaftinê girtin û li têkoşîna şehîdên qeyraman hatin rawestandin.

Siyasetmedarên kurd Hesen Cudî, der barê pêvajoya nû ya Rêberê Gelê Kurd Abdullah Ocalan daye despêkirin  de agahî dan û  got ev pêvajoya nû berhema têkoşîna Seydo û hemû şehîdane.

Mezdek Heval jî axivî û bîranînên xwe yên bi 6 PJAK’ê re vegot.  Heval da zanîn ku rêhevalên wê di encama êrîşeke ku DYA, Îran, Tirkiye û Iraqê plankiribû de hatin qetilkirin û got bi vê komkujiyê hedef dikirin ku dengê PJAK’ê bê deng bikin.

 Hîva Muhammedî û Şiwan helbestê ku bo Seydo û 6 PJAK’iyan nivîsibûn xwendin.  Her wiha sînevîzyoneke der barê şert û mercên jiyana gerîla de hat nîşandan.