Li Stenbolê, ji aliyê kesên nediyar ve li dijî nûnertiya HDP’ê ya li Taxa Yeşîlkent a Avcilarê êrîşeke bi çekê pêk hat. 4 kesên di wesayîta bi marka Fîat Dobloyê de bûn, dema HDP'iyan amadekariyên xebatên referandûmê dikirin, nêzî wan bûn, gule li ser wan barandin û ji cihê bûyerê reviyan. Di bûyerê de tu kes birîndar nebû û her wiha tîmên polîsan hatin cihê bûyerê.

Ji xebatkarên HDP'ê Tayfun Ûrûn ê di dema êrîşê de li wir bû wiha got: "Kesên di hundurê wesayîtê de bûn temenê wan li dor 23-28'an bû. Em vê êrîşê şermezar dikin. Em wisa difikirin ev li dijî xebatên me yên 'Na'yê ne, dixwazin bi vî awayî me bitepisînin. Lê wê bi ser nekevin. Em ê bi heman biryardariyê xebatên xwe bi rê ve bibin."