Derheqê 18 wekîlan, ku di nav wan de Hevseroka Partiya Demokratîk a Gelan (HDP) Pervîn Buldan û Serokê Giştî yê Partiya Komarparêz a Gel (CHP) Kemal Kiliçdaroglu jî hene, bi daxwaza ku destlêdana wan were rakirin 22 fezleke gihaşttin Meclîsê.

Ji fezlekeyan 7 jê derheqê wekîlên HDP'ê ne, yek jê jî derheqê Hevseroka Partiya Herêmên Demokratîk (DBP) Saliha Aydenîz e.

Wekîlên HDP'ê ku derheqê wan fezleke hatine şandin: Pervîn Buldan, Huseyîn Kaçmaz, Murat Çepnî, Muazzez Orhan, Kemal Bulbul, Semra Guzel, Ayşe Acar Başaran.