Li Mêrdînê derstdirêjî li 13 zarokan hate kirin
Derket holê ku li Komeleya Ciwanên Anatoliyê ya li Mêrdînê destdirêjî li 13 zarokan hatiye kirin.
Derket holê ku li Komeleya Ciwanên Anatoliyê ya li Mêrdînê destdirêjî li 13 zarokan hatiye kirin.
Derket holê ku li Komeleya Ciwanan a Anadolûyê ya Şaxa Mêrdînê ku li navçeya Artûklûyê ye û ku nêzî Partiya Saadetê tê nasîn, bûyerên tacîza zayendî qewimî ye. Hat zanîn ku zarokên ku temenê wan di navbera 7 û 14 salî de li komeleyê bi tacîza zayendî ya nûnerê komeleyê M.S.D. re rû bi rû mane. Ev bûyer di navbera salên 2022 û 2023’yan de qewimî ye.
Ji zarokan yek ji dayika xwe re qala meseleyê dike û bûyer derdikeve holê. Zarokên din jî tiştên hatine serê wan ji malbatên xwe re dibêjin. Li ser gilîkirina malbatan di 6’ê mijdara 2023’yan de lêpirsîn tê destpêkirin û di çarçoveya vê lêpirsînê de M.S.D. tê binçavkirin û paşê jî tê girtin.
Serdozgeriya Komarê ya Mêrdînê lêpirsînê temam dike û ji sûcê “îstîsmarkirina zayendî ya li hember gelek zarokan” doz vekir. Zarokan di îdianameyê de diyar kiriye ku ew ji bo bileyîzin, dersa olî werbigirin û hin aktîvîteyên civakî bikin çûne komeleyê û dema ew bi lîstikê dilîstin M.S.D. li hember wan tacîza zayendî pêk aniye.
Zarok giliyê M.S.D. kirine û ji bilî du malbatan 11 malbatên zarokên din gilî nekirin.
M.S.D. diyar kir ku ew li Saziya Wargehên Krediyê karê ewlekariyê dike û 20 sal in têkiliya wî bi wê komeleyê re heye û di parastina xwe de jî îdia kir ku wî tu sûc nekiriye.
Danişîna ewil a dozê di 9’ê tîrmehê de hat lidarxistin. Di danişînê de M.S.D. amade bûn û malbat û parêzerên zarokan jî beşdarî danişînê bûn.
Aliyên dozê di danişînê de parastinan kirin û ewraq hatin xwendin.
Paşê şandeya dadgehê biryar eşkere kir û der barê M.S.D. de biryara berdewamiya girtina wî da û danişînek din taloqî 7’ê tebaxê hat kirin.