Li Kocaeliyê Hevseroka HDP’a Kocaeliyê Leyla Aygun, hevserokên HDP’ê yên navçeyan, Endamê Meclîsê yê CHP’yî yê şaredariya Gebzeyê Osman Kûrûm jî di nav de li 27 kesan bi îddîaya ‘endamtiya rêxistinê’ û ‘propagandaya rêxistinê kirin’ doz hatibû vekirin. Rûniştina 7’an a dozê hate kirin.

Heyeta dadgehê li Endamê Meclîsa Partiya ya HDP’ê Mehmet Alçinkaya, Hevserokên HDP’ê yên Gebzeyê Ebûbekir Çoban, endama partiyê Damla Bagci û endamê Meclîsa Şaredariyê yê CHP’yî Osman Kûrûm bi îddîaya ‘endamtiya rêxistinê’ 7 sal û 6 meh, li endamên partiyê Mehmet Karaaslan û Kûdbeddîn Guneşsû jî 6 sal û 10 meh û 15 roj cezayê girtîgehê birî.

Dadgehê li Hevseroka HDP’ê Leyla Aydun û Emîne Karaaslan jî 6 sal û 3 meh cezayê girtîgehê birî.

Heyetê diyar kir ku yên hatine girtin bila neyên berdan û biryar da ku piştî pêkanîna cezayê bila tevdîrên serbestbûna bi kontrol were kirin.