Çalakiyê doh danê sibehê dest pê kir û piştgirî ji Hevseroka KCD'ê û Parlamentera HDP'ê ya Colemêrgê Leyla Guven re hate dayin.

Greva birçîbûnê li salona Navenda Civaka Demokratîk a Kurd (NCDK) pêk tê û 10 kes tevlî bûne. Gelek Kurdistanî û dostên wan ên Awûstûryayî serdana çalakgeran kirin. Komek ji ciwanan a ji Rêxistina Ciwanan a SPO'yê, peyama piştgiriyê ji bo gelê Kurd da.

Hevserokê Meclîsa Gel a NCDK'ê Halîs Sever jî çalakiya Leyla Guven silav kir û got, tecrîdkirina Rêberê Gelê Kurd Abdullah Ocalan dewama komploya navneteweyî ye.