Meş ji aliyê Meclîsa Gel a Kurd ya Frankfûrtê ve hate organîzekirin û bi sedan kes beşdarî meşê bûn.

Meş saet 16:00’an li pêşiya gara trenê ya Frankfûrtê destpêkir . Di meşê de pankarta ‘Ji Kurditanê re statu, ji Ocalan re azadî ‘ û ‘Erdogan li Kurdistanê komkujiyan dike’ hatin vekirin.

Di meşê de wêneyên Ocalan hatin hildan û meş heta qada Haûpwache dom kir. Li vir mîtîngek hate lidarxistin û mîtîng ji bo bîranîna şehîdên têkoşîna azadiyê  bi deqîqeyek rêzgirtinê destpêkir.

Di mîtîngê de axaftin hatin kirin û di axaftinan de daxwaza rakirina tecrîda li ser Ocalan hate kirin û li dijî bêdengiya sazî û hikûmetên Ewropa nerazîbûn hate nîşandan.