Balafirên şer ên Hêzên Hewayî yên Iraqê, duh bi şev çeper û baregehên DAIŞ'ê yên li Celewlayê bombebaran kirin. Di encama bombebaranê de, çeteyan li gelek nuqteyên ku weke baregehê bikar dianîn, gelek kuştî û mirî li dû xwe hiştine û reviyan e. 

Berdevkê hêzên pêşmergeyan ê li eniya Germeserê Emîd Ehmed Letîf da zanîn ku duh bi şev, di êrîşên Hêzên Hewayî yên Iraqê de çeteyên DAIŞ'ê windahiyên giran dane û neçar mane ku gelek navendên weke cihên stratejîk didîtin, biterikînin. Emîd Ehmed Letîf ragihand, ku li gorî tespîtên wan di bombebaranê de li binê xirbeyan cenazeyê 10 çeteyan hatine dîtin û 15 jî birîndar bûne.

Hat ragihandin ku ev serdegirtina surprîz a balafirên şer ên Iraqê gelekî bi bandor bûye û beşek ji alavên leşkerî yên çeteyan, di encama êrîşê de teqiyane.

Berdevkê hêzên pêşmergeyan ê li eniya Germeserê diyar kir ku moral û motîvasyona hêzên wan ên li qada şer bilind e û da zanîn ku ew dorpêçiya xwe ya li dora Sadiye û Celewlayê dewam dikin û gav gav bi pêş ve diçin.